خبز الدار بدون عجن
♥ المقادير ♥
في صحن كبير ديري ثلاث بيضات مع نص كاس زيت وملعقة كبيرة خميرة الخبز ومغرف ملح ومغرف كبيرة ونصف سكر زيدي فوقهم كاس وثلاث ارباع حليب سائل دافي وربع كاس ماء زهر(ماء الزهر اختياري).
❤طريقة التحضير ❤
_ خلطي الكل مليح مليح بالباتور.
_ وزيدي 1كلغ بالضبط فرينة من دون زيادة ولا نقصان.
_ وزيدي 1خميرة نتاع القاطو ومغرف ثانية من خميرة الخبز.
_ خلطي من غير ماتعجني بملعقة خشبية رح تتحصلي على عجينة تلصق خليها في نفس الصحن.
_ وغطيه بكيس ثم منشفة.
_ خلي العجينة تتخمر نصف ساعة في مكان دافئ.
_ ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج.
_ زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف.
_ ادهني الوجه بصفار البيض ورشي الجلجلان والسينما.
_ زيدي خليها تتخمر مرة تانية ربع ساعة في مكان دافء وهدا امر مهم ويعمل فرق.
_ ثم انقبي القرصة بفرشيطة. ودخليها تطيب _بعد ما طيب تتحصلي على خبز خفيف كي القطن يشهي.
* ملاحضة *: استعملي الزيت في يدك لان العجينة شوية سائلة وتلصق في يدك ادا ما تستعمليش الزيت تغلبك معاها.
صفحتنا على الفيسبوك :مطبخ حواء
تعليقات
إرسال تعليق